Bato

mula sa panulat ni Glen Sales

Binato sila ng mga bato.

Mula sa mga nagproprotesta.

Sa bawat minuto,papaprami nang paparami

Ang mga bato.

Ngunit mabilis nilang isinilid ang timpi.

Pag binato ka ng bato, batuhin mo ng tinapay.

Ngunit walang tinapay sa kanilang kalooban

Noong araw na iyon.

Sa halip, ang mainit-init na galit ang nangusap.

Maraming bala ang nagpalawa ng dugo.

Istasyon ng Desti-nasyon

by: Aris Remollino

Narito tayo ngayon:

Kinakabig ng daloy at ugong

ng mga pabalik-pasulong

sa pagitan ng bawat istasyon.

Sari-sari, samu't sari

ang ating kasabay,

na minsa'y sumusulong pabalik;

minsa'y bumabalik pasulong.

At sa kaduluduluhang istasyon,

sa dulo ng lahat ng pagbalik-pagsulong,

doon magtatagpo

ang lahat ng pagtatagpo.

 2012, Hunyo 8

Ang Oyayi ni Inang

Ang Oyayi ni Inang

adaptasyon ni Tilde Acuña ng tula ni Johann Wolfgang von Goethe

Bumabangon ako sa bukang-liwayway, lumuluhod at umiihip

Hanggang umandap-andap at magbaga ang binhi ng apoy;

At kailangan kong mag-isis at mag-luto at mag-walis

Hanggang magsimulang kumurap at sumulyap ang mga bituin;

At humihimbing at nananaginip ang mga musmos sa banig

Habang suot nila ang lampin at tila magkakaternong damit,

At matapos nilang palipasin ang buong araw

At bumuntong-hininga tuwing humahangin:

Habang nagbabanat ako ng buto dahil ako’y may edad na,

At nanlalata at nanlalamig ang binhi ng apoy.

The Song Of The Old Mother

by Johann Wolfgang von Goethe

mula sa [http://famouspoetsandpoems.com/poets/johann_wolfgang_von_goethe/poems/10230]

I rise in the dawn, and I kneel and blow

Till the seed of the fire flicker and glow;

And then I must scrub and bake and sweep

Till stars are beginning to blink and peep;

And the young lie long and dream in their bed

Of the matching of ribbons for bosom and head,

And their day goes over in idleness,

And they sigh if the wind but lift a tress:

While I must work because I am old,

And the seed of the fire gets feeble and cold.

visit the author's blog here for more: Carcosite

Nang Wala Nang Nagbubunganga sa Akin

ni Macky Serrano Salvador

Natupad na ang minsan kong hiniling

wala na ngayong nagbubunganga, naninita sa akin

pag nagkakape ako

bago kumain

wala nang nananaway

pag inaabot ko

tuwalya sa sampayan

pagkatapos magbabad

sa sarili kong blog at Facebook account

wala na, wala.

Hindi na ako

nakaririnig ng sermon

pag may natitirang kanin sa'king pinggan

o kung pumapasok ako ng bahay

nang nakatapak

pagkagaling sa eskuwalahan

nang nakasapatos buong araw.

Wala na 'kong naririnig

ni sermon, ni sita

pag nilalantakan ko ang balot

nang hindi naghahapunan

o pag nakatodo ng lakas

ipod na nakapasak sa'king tenga

o pag natutulog ako

nang nakahubad.

Wala nang pagbubungangang humahalo

sumasaliw

sa sagitsit ng mantika sa kawali

sa mga umagang

tinatanghali ako nang gising

o mga pangaral

na nakikipag-duet

sa huni ng mga kuliglig

sa mga gabing

minamadaling araw ako nang uwi.

Wala na akong naririnig na ganoon

wala na,

dahil nga wala ka na

at kasabay ng pagkawala

ng mga sermon, pangaral, sita

pagbubunganga

wala na rin akong

madamang saya.

Elehiya kay Ma. Sheena S. Trinidad

-Jeric Jimenez

Hindi ko alam kung bakit kinailangang durugin ang magkabila mong mga paa

gayong sinanay ito sa matinding sikat ng araw

patungong

Mendiola.

Hindi ko alam kung bakit kinailangang butasin

ng iba’t ibang kalibre ng baril ang iyong katawan

gayong panangga ito ng mga aping magsasaka.

Hindi ko alam kung bakit kinailangang tanggalin ang karapatan mo bilang

mabuting anak,

malambing na asawa’t

mapagkalingang ina

gayong labis-labis kang sumigaw para sa wastong sahod ng mga manggagawa

gayong ubos-lakas kang nagmulat dahil balintuna ang pamamahayag

gayong buong buhay mo bilang anak,

asawa’t ina’y

inialay

para sa mga kumitil din naman ng iyong buhay.

Hindi ko alam kung bakit kinailangang

barilin ka nila nang malapitan

gayong di na rin naman nalalayo

ang nalalapit nating kalayaan.

Hindi ko alam kung bakit kinailangang tadtarin ng bala ang iyong bungo

durugin ang iyong mga paa

at butasin ang iyong katawan

gayong matibay at lalong lumalakas ang mga una nating utak,

ang mga una nating dugo.

gayong ang mga yabag sa lansanga’t kanayuna’y di na naglalayo

gayong ang mga pananggalang sa kalunsura’y di na sumusuko.

Dahil ba sa mga lapidang uhaw sa pagkabuhay

na naroon ang pagmamahal na maliw na maliw?

dahil ba sa mga naiwa’t nakalimutang bulto ng mga buto-buto

na naroon ang mga panaginip na minsan mong iniluha ang paglaya

o dahil ba sa bitak-bitak nilang mga mata

na makikita mo ang mga balang di tumuturol ang mga ihi.

At sa matingkad nilang mga unipormeng

maaaninag mo ang walang saysay nilang pagpapasabog ng mga bomba.

Mapatutunayan mong walang naipagtatanggol ang mga isinusuka ng kanilang mga baril.

Sa pagkakataong isa-isang natutumba ang mga tulad nating bukal

nadadamba ang maliliit na singhal

masikhay na naitutulak ang mariringal na pagwasak

at naitatayo

nabubuo

lalong tumitindig ang matitimyas na

pagkakapantay-pantay.  

Hindi mo man matagal-tagal na nahimas ang likod ng iyong anak,

napunasan ang tumutulo niyang laway o nalinis kanyang dumi ;

hindi mo man naakay ang iyong ina sa kanyang pagtanda

o naalagaan ang iyong ama sa nananakit niyang rayuma ;

hindi mo man nasuklian ang mga halik sa hangin ng iyong kabiyak,

kanyang mga liham ng pag-aalala

o pagmamahal na tiyak na tiyak naman niyang umaabot

hanggang sa dulo ng mga balang iyong pinakawalan ;

Natitiyak ko. Natitiyak naming lahat –

Maririnig pa rin namin sa lansangan ang mga paa mong kanilang dinurog

Mauulinigan pa rin namin sa matatalas na diskurso’t panawagan

ang mga tinig mong kasamang winasak ng iyong bibig

At madarama pa rin namin sa kanayunan ang katawan mong binutas ng mga

walang silbi’t

Walang saysay nilang mga bala.

-       Si Sheena Trinidad ay dating lider-istudyante mula sa UP-Manila. Isa sa apat umanong New People’s Army (NPA) na nakaingkwentro ng Armed Forces of the Philippines (AFP) noong Marso 8, 2012 sa Bongabon, Nueva Ecija.

Trak

TRAK 

by: Jeric Jimenez

tumatagas ang langis

sa tambutso ng                                                jeep.

sinasabayan ito ng pagewang-gewang

na larawan nina                  Maria at Jesus.

Ang mga alikabok sa rosaryo’y

dumikit nang                                       husto sa bawat                                    butil.

pagewang-gewang din,

ang krus sa rosaryo’y putol ang kaliwang kamay;

basag               ang                                                      ulo.

may                 krak                 na ang mukha ng                                 signage

amoy               lumot ang                    lalagyan ng mga                     

barya

maitim na ang dating kulay

dilaw na                                              kurtina

tumatagas pa rin ang langis

ngayon ito’y

nagpadulas sa gulong na handang humambalang sa

Humahalimaw,

Napakalaki

Rumaragasang…

Ang Langgam sa Banyo ng U.P. Diliman

 by: Rom Factolerin

Lakad-takbo akong nagmamadali

kinikilabutang pumasok sa isang gusali

hangos sa hagdan

kumaliwa sa palikuran

pawisan at nanginginig

na ibinaba

ang zipper.

 pikit, buntong-hininga sabay tingala

unti-unting umagos ang ginhawa.

Mula sa sahig na aking kinatatayuan

napatingin ako sa aking paanan

bulbol na kulot

lumalakad ng painot-inot

tangan-tangan sa bibig

ng isang malaki

at maitim na langgam

Isinara ang zipper at butones

inayos ang laylayan ng damit

pero hindi pa rin mawaglit

ang tingin

sa tanawing

nakaliligalig.

Minsan ako’y sadyang pakialamero

buhay ng iba’y libangang usisain

kahit na ang walang kakwenta-kwentang

gawain

tulad na lang nitong langgam

na ewan ko ba at imbis na pagkain

ay lagas na bulbol ang tangay-tangay

sa kanyang mga ngipin.

Naisip ko habang naghuhugas na ng

aking mga kamay

mayroon nga kayang ibig sabihin

ang ganitong pangitain?

ano kaya ang sasabihin ng lola kong

mapamahiin?

Marahil nga na ang tao

sa kanyang pamumuhay sa

makabagong mundo

sangkatutak ang hawak at tangay-tangay

na kung anu-ano

gaya ng lagas na bulbol sa ngipin ng

langgam

parang modernong gadget

sa kamay ng mangmang

pinag-ipunan at binili kahit pa hulugan

ni hindi naman alam kung ano ang silbi

at para saan.

Awiting Ka Roger

by: Jeric Jimenez

Sa wakas, makakanta mo na rin ang ibong matagal-tagal mo na ring sinisipulan. Ang mga awiting di mo man lamang masambit sa labis na pagkaabala, maaawit mo na ring mag-isa. Mapakikinggan mo na rin habang pumapaling ang leeg. Sumasabay sa uyayi’t maaamong mga ritmo. Sa wakas, di ka na mamomroblema pa sa mga nagliliparang mga papel o sandamakmak na duming ating nililinis. Lumbay kaming nagdalamhati sa iyong paglisan. Ngunit masaya kami ngayong humahabi ng kasaysaya’t mga awitin. Sa wakas, tulad ng palagi’t lagi mong bilin, natutuhan na rin naming umawit nang sabay-sabay. At tulad ng walang humpay mong paggabay, sa mga awitin man sa kalunsuran o sa mayuming ritmo sa kanayunan;

Dudurugin ang maling timbre ng musika.

Wawasakin ang garalgal na mga nota.

Waiting

(unto Raskolnikov, Rilke or Yushchenko and the Berlin Wall of Silence) //Nov. 15, 2010

by: Shirley M. Monreal

{under the nom de plume ‘Miranda Irina Semyonovna"
~~~~~
In the midst of shadows, sometimes
Oblivion–it appears
  nonetheless inviting to me as I muse
On your uncertainties
And words unarticulated
Expostulated merely
  by a rapture of a gaze
Then:–
  Ruptured by a benevolent coldness
Whenever this soul
     [My soul]
Seeks the comfort of even a word:
   [ "That you..." ]
Ah, a benevolent coldness!
How kind.
Altogether though a pastiche
of yesteryears, two years, a year.
   [Yes you have talked. "That you..."]
Comprising all unsaid
Whilst you had mimed with sentences–
   those yesteryears, two years, a year;
Thoughts.
But now witholding–
   As this soul
      [My soul]
Tramples itself, then pines with hushed pain
Anticipating
Halted waiting.
    (Respondez)

Bugtong ng mga Bituin

Sana`y may lihim na lagusan

Patungo sa malalayong mga bituin.

At doon, makapaglalakbay tayo

Na kasintulin ng liwanag.

Maglalagos sa kabilang daigdig kung saan

May ibang sumisibol na kabihasnan

Na lihis sa ating kinagisnan.

Isang nakatagong daigdig

Na `di masaklaw ng ating kamalayan

Simula nang isinilang

Ang  laksa-laksang bituin sa kalawakan.

Sana`y may lihim na lagusan

Patungo sa malalayong mga bituin;

Tulad ng isang mahiwagang pintuan

Na pipigil sa pag-agos ng buhanging-orasan.

Sa gayon, titigil sa pag-ikot ang ating buhay

Sa sanga-sangang mga yugto

Ng mapagbirong tadhana`t panahon.

Isang  matandang palaisipan

Na `di masaklaw ng ating kamalayan,

Simula nang isinilang

Ang laksa-laksang bituin sa kalawakan.

Ngunit sa huli, mapagtatanto natin

Na hungkag ang ating kaisipan

Sapagkat tayo`y kapara lamang

Ng mga  butil ng buhanging

Nakapaloob sa isang malawak na karagatan.

Inaarok ang lalim, inaabot ang hangganan,

Hinahagilap ang mailap na kasagutan.

Simula`t simula nang isinilang

Ang laksa-laksang bituin sa kalawakan.

-Allan Lenard Ocampo

Well-shaped by the Potter's Hand

by: Felix Alvarina

The heart of a true lover will have an eternal love

The heart of a true believer will have an eternal life

Each heart well-shaped by the potter’s hand.

The mind of Ninoy transformed the lives of millions

The mind of Bill Gates worth dollars in billions

Each mind well-shaped by the Potter's hand.

The hands of a boxing glove-maker may earn for a living

The hands of Pacquiao with boxing gloves earned for a better living

Each hands well-shaped by the potter’s hand.

The feet of a wild animal can run so fast for a meal to survive

The feet of a prey can run so fast for a life to survive.

Each feet well-shaped by the potter’s hand.

The life & death of Rizal brought our nation's salvation

The life & death of Christ brought our soul's salvation

Each life well-shaped by the potter’s hand.

What shape do you have? Will you share it?

Whatever our talents, our gifts, our dreams and aspirations

They were all well-shaped by the Potter's hand...

... the OMNISCIENT & OMNIPOTENT HANDS OF GOD.

They were all well-shared, all must be share

Cause you and I have been...

... WELL-SHAPED BY THE POTTER'S HAND.

Bumps

“The findings dictate I should undergo operation. My gallstones cannot be treated by medicine alone. The doctor said I'm also diabetic and that while my hemoglobin is low, my uric acid is high. She told me, too, that my thyroid would be monitored because there’s a lump in it.” - A text message from mother Bumps by: Karlo Jose Pineda the news came as a wall to which i collided with. the smash silent yet strong, horrid yet hidden. and i was left frail on the floor dreaming of amnesia —even if it can't unmouth what life—yours— had terribly spoken.